Pedro mavsum oxirida Latsiodan ketadi

Latsio futbolchisi Pedro Rodriges klubni tark etish qarorini eʼlon qildi. Ispaniyalik futbolchi Rim klubi safidagi joriy mavsumni yakunlab, jamoani tark etadi.

Bu haqida u payshanba kuni \"Piza\"ga qarshi o‘yindan keyin maʼlum qildi. Mazkur o‘yin 0:0 hisobidagi durang bilan yakunlandi.

\"Men Latsioning Yevrokuboklarga chiqishini xohlayman, keyin esa ketish vaqti keladi\", – deydi 38 yoshli vinger Fabrisio Romano bilan suhbatda. Pedro 2021-yildan beri \"burgutlar\" safida to‘p surmoqda.

U bunga qadar \"Roma\", \"Chelsi\" va \"Barselona\" jamoalarida o‘ynagan. Kataloniya klubi tarbiyalanuvchisi boʻlgan futbolchi joriy yilning iyul oyida 39 yoshga to‘ladi.

Hozircha u mavsum yakunidan keyin faoliyatini davom ettirishi yoki yakunlashi nomaʼlum.