Spaletti "Yuventus" tarixiga kirdi

Peterburgning "Zenit" sobiq bosh murabbiyi Luchano Spaletti Turinning "Yuventus" klubi bosh murabbiyi etib tayinlandi. Football-Italia xabariga koʻra, 66 yoshli mutaxassis "Keksa sinyora" tarixidagi eng yoshi katta bosh murabbiy boʻldi.

Bungacha bu rekord boshqa italiyalik murabbiy Mauritsio Sarri hisobida edi. Spaletti "Yuventus" bilan kelasi yil yoziga qadar shartnoma imzoladi.

Bugungi kunda, 31-oktyabr holatiga koʻra, "Yuventus" A Seriya turnir jadvalida 15 ochko bilan yettinchi oʻrinda bormoqda. Turin klubi birinchi oʻrindagi "Napoli"dan 6 ochkoga ortda qolmoqda.