Barselonada Lamin Yamaldan xavotirda

Kataloniyaning \"Barselona\" klubi 18 yoshli iqtidorli yarim himoyachi Lamin Yamalning sog\'ligidan xavotir bildirmoqda. Yaqin kunlarda futbolchining chov sohasida muammolar kuzatilmoqda.

The Sun nashrining xabariga ko\'ra, \"ko\'k-anorranglilar\" Yamalning jarohati surunkali tus olishidan xavfsiramoqda. Agar noqulaylik davom etsa, jarrohlik aralashuvi ehtimoli ham istisno qilinmayapti.

Hozirda Lamin Yamalning transfer qiymati 200 million yevro deb baholanmoqda. U \"Barselona\" bilan 2031 yilning o\'rtalariga qadar shartnoma imzolagan.

Joriy mavsumda Lamin \"Barselona\" safida 8 uchrashuvda ishtirok etib, 3 ta gol va 5 ta golli uzatma amalga oshirgan.