Danni Uelbek Angliya terma jamoasini o‘ylamayapti
“Brayton” hujumchisi Danni Uelbek APLning 10-turida “Lids”ga qarshi uchrashuvdan so‘ng o‘z taassurotlari bilan o‘rtoqlashdi. Mazkur o‘yin “Brayton”ning 3:0 hisobidagi g‘alabasi bilan yakunlandi.
Uelbek mazkur uchrashuvni asosiy tarkibda boshladi va 11-daqiqada gol urishga muvaffaq bo‘ldi. O‘yindan so‘ng, u Angliya milliy jamoasiga qayta chaqirilish ehtimoli haqidagi savolga javob berdi.
- Men faqat o‘z nazoratimdagi narsalar haqida o‘ylayman. “Brayton”da o‘ynashdan zavq olaman va jamoamga maksimal foyda keltirishga intilaman.
Gollar men va jamoam uchun muhim, lekin asosiy maqsad – g‘alaba qozonish va uch ochkoni qo‘lga kiritish, - dedi hujumchi matchdan so‘ng. Eslatib o‘tamiz, Uelbek so‘nggi marta 2018 yilda Angliya terma jamoasi safida o‘ynagan edi.
