Saliyaning "Real"ga o'tmaslik sababi ma'lum qilindi

Londonning "Arsenal" jamoasi markaziy himoyachisi Vilyam Saliba Madridning "Real" klubi qiziqishi haqida fikr bildirdi. Fransiyalik himoyachi 2026-yil uchun "qaymoqranglilar"ning asosiy transfer maqsadlaridan biri sifatida ko'rib chiqilgan edi.

Biroq Madrid klubi boshqa variantlarga e'tibor qaratishi kerak bo'ladi – sentyabr oyining oxirida Saliba "kanonirlar" bilan shartnomasini 2030-yilgacha uzaytirdi. "Albatta, bunday klubning qiziqishi juda jozibador.

Ammo men avvalo "Arsenal" bilan sovrinlar yutishni xohlayman, keyin esa yangi tajriba haqida o'ylashim mumkin", – deb ta'kidladi Saliba Telefootga bergan intervyusida. London klubining 24 yoshli yulduz futbolchisi transfer qiymati Transfermarkt portali ma'lumotlariga ko'ra, 80 million yevroga baholangan.