Hollandga o‘xshash qizning videolari ommalashdi

Manchester Siti klubi hujumchisi Erling Hollandga tashqi ko‘rinishi jihatidan o‘xshash bo‘lgan bloger qiz, so‘nggi paytlarda videolari katta mashhurlikka erishayotganini ma\'lum qildi. Uning so‘zlariga ko‘ra, so‘nggi postlari milliondan ortiq ko‘rishlar yig‘a boshlagan.

Ijtimoiy tarmoq foydalanuvchilari uning postlari ostida ko‘plab izohlar qoldirmoqda, jumladan, Holland ishtirokidagi gif-fayllar va mulohazalar joylashtirilmoqda. Eslatib o‘tamiz, Erling Holland dunyoning eng qimmat futbolchilaridan biri sanaladi.

Uning transfer bozoridagi qiymati 180 million yevroga teng. Joriy mavsumda Angliya Premer-ligasida Holland 10 o‘yinda maydonga tushib, 13 ta gol urishga muvaffaq bo‘lgan.