Kloppni APL klubi bilan bogʻlashmoqda

TEAMtalk nashri sahifalarida Yurgen Kloppning murabbiylik faoliyatiga qaytishi ehtimoli baholangan material eʼlon qilindi. Ushbu maqolada Kloppni "Lids" bilan bogʻlaydigan mish-mishlar asossiz emasligi taʼkidlangan.

Bunga asos sifatida "Red Bull" futbol tizimi va Angliya Premer-ligasidagi klub oʻrtasidagi aloqalar keltirilgan. Maʼlumki, Klopp 2025-yildan boshlab "Red Bull" tizimida ishlamoqda.

Biroq, nemis mutaxassisi ilgari Premer-ligada "Liverpul"dan boshqa hech qanday jamoani boshqarmasligini aytib oʻtgan edi. "Lids" esa 2025/2026-yilgi mavsumda oʻzining eng yaxshi formasini koʻrsata olmayapti va ayni damda Premer-liga turnir jadvalida 16-oʻrinni egallab turibdi.