Barselona 12 yildagi eng yomon seriyani qayd etdi

Barselona yana darvozasi daxlsizligini saqlab qola olmadi. Bu safar Kataloniya klubi Yevropa Chempionlar ligasi doirasidagi oʻyinda Brugge klubidan 17-daqiqagacha ikki bor gol oʻtkazib yubordi.

Opta maʼlumotlariga koʻra, \"koʻk-anorranglilar\" ketma-ket toʻqqizta oʻyinda barcha turnirlarda kamida bitta gol oʻtkazib yuborishmoqda. Bu jamoa uchun 2013-yil mart oyidan beri kuzatilgan eng yomon koʻrsatkichdir.

Mazkur davr mobaynida Hans-Diter Flik boshqaruvidagi jamoa jami 14 ta gol oʻtkazib yuborgan. Soʻnggi marta Barselona darvozasi daxlsizligini 21-sentabr kuni Getafe ustidan La Ligada 3:0 hisobida qozonilgan gʻalabada saqlab qolgandi.

Brugge va Barselona oʻrtasidagi oʻyin matniy translyatsiyasini LiveResult.ru saytida kuzatishingiz mumkin.