Laporta Messi sharafiga reja tuzdi

Barselona prezidenti Joan Laporta Lionel Messi bilan bogʻliq rejalarini maʼlum qildi. Uning soʻzlariga koʻra, yangilangan "Kamp Nou" stadionining ochilish uchrashuvi Messiga bagʻishlangan oʻyin boʻlishi kerak.

"Bu ajoyib voqea boʻlardi — toʻliq stadionda Messi sharafiga oʻyin oʻtkazish orqali "Kamp Nou"ni ochish. Men buni amalga oshirishdan mamnun boʻlardim", — dedi Laporta.

Ushbu fikrlarni jurnalist Fabritsio Romano ijtimoiy tarmoqlarda eʼlon qildi. Maʼlumki, Lionel Messi "Barselona"ni 2020/2021-yilgi mavsum yakunida tark etgan edi.

Oʻsha paytda klub moliyaviy muammolar tufayli argentinalik futbolchiga yangi shartnoma taklif qila olmagan. Hozirda Messi AQShning "Inter Mayami" klubida faoliyatini davom ettirmoqda.