Shirer Sheshkoni keskin tanqid qildi

Sobiq ingliz futbolchisi Alan Shirer \"Manchester Yunayted\" hujumchisi Benyamin Sheshkoni \"Tottenhem\"ga qarshi kechgan o‘yindagi (2:2) harakati uchun tanqid qildi. \"Sheshko yana muvaffaqiyatsizlikka uchradi.

U maydonga yarim soatdan ko‘proq vaqt davomida tushdi, lekin hech narsa ko‘rsata olmadi. Uning ishonch bilan bog‘liq muammolari bor.

Sheshko nima qilish kerakligini bilmagandek edi\", - dedi Shirer \"Manchester Evening News\" nashriga bergan intervyusida. Sheshko bu yozda \"RB Leypsig\"dan \"Manchester Yunayted\" safiga qo‘shilgan edi.

Sloveniya terma jamoasi hujumchisi jamoa safida 12 ta o‘yinda maydonga tushib, 2 ta gol va 1 ta golli uzatma amalga oshirdi.