Van Deyk: Bu biz uchun jiddiy zarba

“Liverpul” himoyachisi Virgil van Deyk Angliya chempionati 11-turida “Manchester Siti”ga qarshi o‘yinda (0:3) jamoasi mag‘lubiyatga uchraganidan so‘ng o‘z fikrlari bilan o‘rtoqlashdi. “Futbolda asosiy qarorlarni hakamlar qabul qiladi va biz maydonda ularni qabul qilishimizga to‘g‘ri keladi.

Bu mavzuni muhokama qilishning hech qanday ma’nosi yo‘q – haqiqat shundaki, biz 0:3 hisobida yutqazdik va bu biz uchun jiddiy zarba bo‘ldi. Birinchi bo‘limda ‘Siti’ o‘zini ancha ishonchli his qildi, ularning pressingini to‘xtatish qiyin edi.

Tanaffusdan so‘ng o‘yinimiz yaxshilandi. Biz bu mag‘lubiyatdan saboq olishimiz va oldinga harakat qilishimiz kerak”, – dedi futbolchi o‘yindan so‘ng.

“Liverpul” hozirda 18 ochko to‘plagan holda turnir jadvalining sakkizinchi pog‘onasida bormoqda.