Tomoshabinlar qattiq tanqid qilgan mashhur turk serial yulduzlari

Turk seriallari yulduzlari millionlab muxlislar mehrini qozonayotgan bir vaqtda, ularni iste’dodsizlikda ayblayotgan tanqidchilar soni ham ortib bormoqda. Ayrim aktyor va aktrisalar tashqi ko‘rinishi yoki mashhurligi orqali ommalashgani aytilsa, boshqalarning karyerasi oilaviy aloqalar bilan bog‘lanmoqda. Shunga qaramay, bu mashhurlar yangi loyihalarda qatnashishda davom etib, turk kino olamining eng ko‘p muhokama qilinayotgan yulduzlariga aylanmoqda.

Hande Erçel

Aktrisaga xalqaro mashhurlikni Sen Çal Kapımı seriali olib kelgan. Muxlislar uni turk seriallarining eng yorqin yulduzlaridan biri deb hisoblasa, tanqidchilar Xandeni ko‘proq model va influenser sifatida qabul qiladi. Ular aktrisani professionalizm va ko‘p qirralilik yetishmasligida ayblashmoqda.

Taro Emir Tekin

28 yoshli aktyor 2020 yilda debyut qilgan va qisqa vaqt ichida o‘nlab film hamda seriallarda ishtirok etishga ulgurgan. U “Sadakatsiz”, “Bir Peri Masalı” va boshqa loyihalardagi rollari bilan tanilgan. Biroq ko‘pchilik uning muvaffaqiyatini iste’dod emas, balki onasi — mashhur aktrisa va xonanda Şevval Sam nomi bilan bog‘laydi. Tanqidchilar uning ijrosini oddiy va ta’sirsiz deb baholamoqda.

Çağatay Ulusoy

Turk seriallari muxlislariga yaxshi tanish bo‘lgan aktyor ham tez-tez tanqidlarga uchraydi. Ayrimlar uning rollari bir xil, mimikasi esa jonsiz ekanini ta’kidlaydi. Shunga qaramay, Chag‘atay yangi serial va filmlarda ishtirok etishda davom etmoqda hamda yuqori gonorar olayotgan yulduzlardan biri bo‘lib qolmoqda.

Kaan Yıldırım

39 yoshli aktyor “Halka”, “Sipahi” va boshqa seriallarda qatnashgan. Ilk vaqtlarda uni istiqbolli aktyor sifatida baholashgan bo‘lsa-da, keyingi yillarda ishtirok etgan seriallarining erta yakunlanishi sabab tanqidlar kuchaygan. Ayrim muxlislar uni yetarlicha iqtidorga ega emas deb hisoblamoqda.

Cemre Baysel

Yosh aktrisa Turkiyaning eng talabgir yulduzlaridan biri sanaladi. U “Senden Daha Güzel”, “Sol Yanım” kabi seriallarda ishtirok etgan. Ammo ayrim muxlislar Jemre rollarini chuqur ochib berolmasligi va mahorati ustida yetarlicha ishlamayotganini ta’kidlaydi. Ularga ko‘ra, aktrisaning ommalashuvida menejerlar xizmati katta rol o‘ynagan.

Shunga qaramay, ushbu yulduzlar turk seriallari industriyasining eng mashhur va eng ko‘p muhokama qilinadigan shaxslari bo‘lib qolmoqda.