Borussiya Brantga yangi shartnoma taklif qildi

Dortmundning "Borussiya" klubi Yulian Brantga yangi shartnoma taklif qildi. Sky Germany xabariga ko'ra, jamoa futbolchiga maoshi kamaytirilgan yangi kelishuvni taqdim etgan.

Biroq, Brant hanuzgacha bu taklifni na rad etgan va na qabul qilgan. Hozirgi paytda Brantning "Borussiya" bilan amaldagi shartnomasi 2026-yilning yozida o'z nihoyasiga yetadi.

29 yoshli hujumkor yarim himoyachi klubning liderlaridan biri hisoblanadi. U 2019-yilning yozidan beri "Borussiya" safida o'ynab kelmoqda.

Transfermarkt portali futbolchining transfer qiymatini 25 million yevro deb baholamoqda.