Real Madrid stadioni nomi va logotipi o‘zgardi

Madridning "Real" futbol klubi o‘z uy stadioni "Santyago Bernabeu"ning yangi nomi va logotipini taqdim etdi. Endilikda stadionning nomi oddiygina "Bernabeu" deb ataladi.

Yangi logotipda to‘rt parallel lentadan iborat stadion tasviri, ularni kesib o‘tuvchi vertikal chiziq aks ettirilgan. Stadion nomining o‘zgartirilishi korporativ va marketing maqsadlariga bog‘liq.

"Real" joriy mavsumda La Liganing 12-turidan so‘ng 31 ochko bilan turnir jadvalida yetakchilik qilmoqda va "Barselona"ni uch ochkoga ortda qoldirgan. Chempionlar Ligasi doirasida esa madridliklar to‘rtta o‘yindan so‘ng to‘qqiz ochko to‘plab, jadvalning to‘qqizinchi pog‘onasida bormoqda.