Pedri: Chempionlar Ligasi gʻalabasiga hayotimizni bagʻishlaymiz

“Barselona” yarim himoyachisi Pedri jamoasining UEFA Chempionlar Ligasidagi ehtimoliy gʻalabasi haqida oʻz fikrlarini bildirdi. Maʼlumki, Kataloniya klubi ushbu nufuzli musobaqada oxirgi marta 2015-yilda zafar quchgan.

“Men sochimni kal qilib oldirmayman yoki tana tatuirovka qildirmayman – onam bunga ruxsat bermaydi. Chempionlar Ligasida gʻalaba qozonsak, nima vaʼda qilishimni bilmayman.

Ammo bir narsani aniq ayta olaman: bu sovrinni qoʻlga kiritish uchun jamoamiz hayotini ham bagʻishlashga tayyor,” – deydi 22 yoshli futbolchi. Hans-Diter Flik boshchiligidagi jamoa guruh bosqichida toʻrt turdan keyin 7 ochko bilan umumiy jadvalda 11-oʻrinni egallab turibdi.

25-noyabr kuni “Barselona” Londonda “Chelsi”ga qarshi oʻyin oʻtkazadi.