Pol Pogba maydonga qaytmoqda

Yarim himoyachi Pol Pogba yana futbol maydoniga qaytmoqda. L’Equipe xabariga koʻra, murabbiy Sebastyan Pokonoli ehtiyotkorona fikr bildirgan boʻlsa-da, Pogba yaqinlashib kelayotgan "Renn"ga qarshi oʻyinda "Monako" safida maydonga tushishga tayyor boʻladi.

Pogba soʻnggi ikki yildan beri oʻyinlarda ishtirok etmagan edi. U doping diskvalifikatsiyasini oʻtash va jismoniy holatini tiklash bilan band edi.

32 yoshli yarim himoyachi tez orada "Monako" safida debyut oʻyinini oʻtkazishi kutilmoqda. Fransiya Liga 1 doirasidagi "Renn" - "Monako" oʻyini shanba, 22-noyabr kuni boʻlib oʻtadi.

Oʻyin Toshkent vaqti bilan soat 01:00 da boshlanadi. "Monako" hozirda Fransiya chempionatining turnir jadvalida oltinchi oʻrinni egallab turibdi.