Atletiko hujumchisi yanvarda klubni tark etmoqchi

Madridning "Atletiko" klubi hujumchisi Aleksandr Sorloth qishki transfer oynasida jamoani tark etishni rejalashtirmoqda. Norvegiyalik futbolchi 2026-yilgi Jahon chempionatiga tayyorgarlik ko'rish uchun asosiy tarkibda muntazam o'ynaydigan jamoaga o'tishni xohlamoqda, deya xabar beradi jurnalist Yagiz Sabunjogʻlu.

Agar "matraslar" qishda 29 yoshli futbolchini qo'yib yubormasa, mavsum yakunida u bilan xayrlashish ehtimoli yuqori. Transfermarkt ma'lumotlariga ko'ra, Aleksandr Sorlothning transfer qiymati 25 million yevroni tashkil qiladi.

Hujumchi joriy mavsumda "Atletiko" safida 14 o'yinda maydonga tushib, 2 ta gol urishga erishdi. Biroq, u Madrid jamoasi asosiy tarkibida faqat 6 marta o'yinni boshlagan.