Leau: Himoyachilarga qarshi o‘ynash yoqadi

Portugaliyalik hujumchi va «Milan» futbolchisi Rafael Leau driblingning katta ishqibozi ekanligini ma’lum qildi. U texnikasi kuchli, to‘p bilan mohirona muomala qila oladigan va jasorat bilan raqiblarni aldab o‘ta oladigan futbolchilarga doim havas qilganini aytdi.

«Ochig‘ini aytsam, birga bir vaziyatlarda, hatto ikki yoki uch nafar himoyachiga qarshi ham o‘ynashni yaxshi ko‘raman. Men Ronaldinyo, Kuarezma va Ronaldu kabi futbolchilar davrida o‘sganman, ular o‘zlarining maydondagi texnik harakatlari bilan meni qoyil qoldirgan», – deydi Leau pianetamilan.it sayti bilan suhbatda.

Eslatib o‘tamiz, Rafael Leau 2019 yildan beri «Milan» sharafini himoya qilib keladi. U bungacha Fransiyaning «Lill» va Portugaliyaning «Sporting» klublarida o‘ynagan.