Kremoneze murabbiyi Vardini maqtadi

Angliyalik hujumchi Jeymi Vardi faoliyati yakunlanayotgan pallada Italiya chempionatida o'zini sinab ko'rishga qaror qildi va Italiya futbolining oliy ligasiga qaytgan "Kremoneze" bilan shartnoma imzoladi. Klub murabbiyi Davide Nikola hozircha Vardining o'yinlaridan juda mamnun.

"Vardi, shubhasiz, jamoamizning asosiy yetakchilaridan biri. Uning mahorati va tajribasi katta ahamiyatga ega.

Menga uning futbolga bo'lgan qiziqishi, qat'iyati juda yoqadi. U ilgari ishtirok etmagan chempionatda o'zini sinashga qaror qildi.

Uning maqomiga qaramay, u oddiy, kamtar va o'zini boshqalardan yuqori qo'ymaydi", – dedi Nikola derbyderbyderby.it saytiga bergan intervyusida. Eslatib o'tamiz, Vardi ilgari uzoq vaqt davomida Angliyaning "Lester" jamoasida to'p surgan.