Xabi Alonso Kurtua haqida fikr bildirdi

“Real” klubi bosh murabbiyi Xabi Alonso darvozabon Tibo Kurtua haqida o'z fikrlarini bildirdi. Belgiyalik posbon sog'lig'i bilan bog'liq muammolarni hal qilib, jamoaning yakshanba kuni Ispaniya chempionati doirasidagi “Elche”ga qarshi o'yini uchun qaydnomaga kiritildi.

“So'nggi mavsumlarda Kurtua eng muhim lahzalarda yodda qoladigan seyvlar amalga oshirdi. Gap nafaqat uning darajasida, balki o'z ishonchini qanday tarqatishida ham.

U bizning tayanchimiz va mas'uliyatni o'z zimmasiga olishga tayyor,” — dedi Alonso matbuot anjumanida. Yakshanba, 23-noyabr kuni “Real” Ispaniya chempionati doirasida safarda “Elche”ga qarshi o'yin o'tkazadi.

Bellashuv Toshkent vaqti bilan soat 01:00 da boshlanadi.