Gvardiola: "Manchester Siti oʻyinidan hafsalam pir boʻlmadi"

Manchester Siti bosh murabbiyi Xosep Gvardiola Angliya Premyer-ligasining 12-turida Nyukaslga qarshi oʻyinda 1:2 hisobidagi magʻlubiyatdan soʻng oʻz fikrlari bilan oʻrtoqlashdi. "Manchester Siti oʻyinidan hafsalam pir boʻlmadi.

Biz barcha kuchimizni ishga soldik, jamoani musobaqa peshqadamiga yaqinlashtirishni xohladik. Ammo milliy terma jamoalar oʻyinlaridan keyingi tanaffusdan soʻng oʻynash har doim oson boʻlmaydi.

Oldinda hali uzoq yoʻl bor", – dedi Gvardiola jurnalistlarga. Mazkur magʻlubiyatdan soʻng Manchester Siti chempionat jadvalida uchinchi oʻringa tushib qoldi.

Jamoa hisobida 22 ochko mavjud. Peshqadam Arsenal bilan farq toʻrt ochkoni tashkil etmoqda, ammo "kanonirlar"ning bitta oʻyin zaxirasi bor.