Bavariya 43 tur davomida yetakchi

Myunxenning "Bavariya" klubi Germaniya chempionati doirasida o'zining muvaffaqiyatli seriyasini davom ettirmoqda. 11-tur uchrashuvida ular "Frayburg"ni 6:2 hisobida mag'lub etib, turning eng yirik g'alabasini qayd etishdi.

"Bavariya" chempionat jadvalining peshqadamlik o'rnini mustahkamlab, 43-tur davomida birinchi o'rinni saqlab turibdi. Bu ko'rsatkich Bundesliga tarixidagi rekordga tenglashdi.

E'tiborlisi, ushbu rekord ilk bor 1972-1973 yillar mavsumida ham aynan "Bavariya" tomonidan o'rnatilgan edi. Keyingi turda Venstan Kompanining jamoasi "Sankt-Pauli"ga qarshi bahs olib boradi.