Atletiko Uchega qiziqish bildirmoqda

Madridning "Atletiko" klubi bosh murabbiyi Diego Simeone Angliyaning "Kristal Pelas" klubida toʻp surayotgan hujumchi Kristantus Ucheni yuqori baholadi. Simeone futbolchini yanvar oyidagi transfer oynasida oʻz jamoasiga olib kelishni xohlamoqda, deb xabar beradi Footboom.

Uche ilgari "Xetafe" safida muvaffaqiyatli oʻyin koʻrsatgan boʻlsa-da, Angliyada oʻzini koʻrsata olmadi va "Kristal Pelas" uni sotishga tayyor. Simeone Ucheni oʻz taktikasiga mos futbolchi deb biladi va uni Diego Kosta hamda oʻzi murabbiylik qilgan boshqa muvaffaqiyatli hujumchilarga oʻxshatmoqda.

"Kristal Pelas" Ucheni 20 million yevroga baholagan, bu esa "Atletiko" uchun maqbul koʻrinadi. Bundan tashqari, Ucheni Aleksandr Sorlotga almashtirish ehtimoli ham mavjudligi aytilmoqda.

Joriy mavsumda 22 yoshli nigeriyalik futbolchi "Kristal Pelas" safida 8 ta oʻyinda maydonga tushgan, biroq gollar va samarali harakatlar bilan ajralib tura olmagan.