Bernardu Silva Milanga o'tishi mumkin

Portugaliyalik yarim himoyachi Bernardu Silva sakkiz yillik faoliyatidan so'ng "Manchester Siti"ni tark etadi. Pianetamilan.it xabariga ko'ra, uning keyingi manzili Italiya chempionati bo'lishi mumkin.

"Milan" klubi futbolchini o'z safiga qo'shishga qiziqish bildirgan va uning ismi transfer ro'yxatiga kiritilgan. Shuningdek, manbaga ko'ra, vaziyatni "Yuventus" bosh murabbiyi Luchano Spaletti ham kuzatmoqda.

Ammo asosiy muammolardan biri futbolchining moliyaviy talablariga bog'liq bo'lishi mumkin. U "Manchester Siti"da yillik 10 million yevrodan ko'proq maosh oladi va maoshning keskin kamayishiga rozi bo'lishi dargumon.