Lautaro Martines Chempionlar Ligasi tarixida ikkinchi oʻrinda

Yevropa futbolida Chempionlar Ligasi guruh bosqichining beshinchi tur uchrashuvlari boʻlib oʻtdi. Milanning "Inter" klubi Madridga safar qildi va mahalliy "Atletiko" jamoasiga 1:2 hisobida magʻlub boʻldi.

Ushbu oʻyin Italiya klubining sardori, argentinalik hujumchi Lautaro Martines uchun Chempionlar Ligasidagi 62-uchrashuv boʻldi. Shu koʻrsatkich bilan u "Inter" safida Esteban Kambyassoga yetib oldi, chunki Kambyassoning ham hisobida 62 oʻyin bor.

Endi faqat birgina argentinalik futbolchi - Xavyer Zanetti undan oldinda turibdi. Zanetti "Inter" safida Chempionlar Ligasida 97 uchrashuv oʻtkazgan.

Eslatib oʻtamiz, Lautaro Martines 2018 yildan buyon Milan klubida toʻp surib kelmoqda.