Santiago Ximenez APLga yoʻl olishi mumkin

Meksikalik hujumchi Santiago Ximenez katta umidlar bilan "Milan"ga kelgan edi, biroq oradan bir yil ham oʻtmasdan, uning klubni tark etishi haqida gap-soʻzlar tarqalmoqda. Ehtimol, uning keyingi manzili Angliya Premer-ligasi boʻlishi mumkin.

Italiyaning La Repubblica nashri xabariga koʻra, "Sanderlend" Ximenez uchun 30 million yevrogacha taklif qilishga tayyor. "Qora mushuklar" futbolchining "Milan"da oʻzini koʻrsatishga boʻlgan umidini yoʻqotmasligini tushunib, biroz kutishga rozi, ammo bu cheksiz davom etmaydi.

Eslatib oʻtamiz, Santiago Ximenez avval Niderlandiya chempionatida "Feyenoord" jamoasi safida oʻynagan.