Krishtianu Ronaldudan qisqa qaytish so‘zi

Yulduz hujumchi Krishtianu Ronaldu Portugaliya terma jamoasi safida JCH–2026 saralash o‘yinlarida qatnashganidan so‘ng Saudiya Arabistonining \"Al-Nasr\" klubiga qaytdi. Futbolchi ijtimoiy tarmoqlarda faqat bitta so‘z yozdi: \"Qaytish\".

Eslatib o‘tamiz, Irlandiyaga qarshi o‘yinda (0:2) Ronaldu qizil kartochka olib, Armaniston milliy jamoasiga qarshi uchrashuvni (9:1) o‘tkazib yubordi. Joriy mavsumda portugaliyalik futbolchi Saudiya klubining 11 o‘yinida ishtirok etib, 10 ta gol va 2 ta golli uzatma amalga oshirdi.