43 soniyada gol: "Barselona"ning 2 yillik antirekordi

"Barselona" La Liga doirasidagi "Alaves"ga qarshi uy uchrashuvini muvaffaqiyatsiz boshladi. Uchrashuvning 43-soniyasidayoq Pablo Ibanes tomonidan gol urildi.

Opta maʼlumotlariga koʻra, bu "Barselona"ning soʻnggi ikki yil ichida Ispaniya chempionatida oʻz darvozasiga kiritilgan eng tezkor goli boʻldi. Qiziq tomoni shundaki, 2023-yilning 12-noyabrida ham kataloniyaliklar "Alaves"ga qarshi oʻyin davomida oʻz maydonida gol oʻtkazib yuborishgan edi.

Oʻshanda gol 17-soniyada urilgan edi. Lekin "koʻk-anorranglilar" oʻsha oʻyinda Robert Levandovskining dubli evaziga 2:1 hisobida gʻalaba qozonishgan.

"Barselona" va "Alaves" oʻrtasidagi joriy oʻyinni LiveResult portali orqali matnli translyatsiya orqali kuzatish mumkin. Uchrashuvning 8-daqiqasida Lamin Yamal "Barselona" uchun hisobni tenglashtirdi.