Liverpul oʻz maydonida antirekord oʻrnatdi

Liverpul jamoasi yana oʻz maydonida gʻalaba qozona olmadi. Chorshanba kuni Arne Slot boshchiligidagi jamoa Sandelrend bilan 1:1 hisobida durang oʻynadi.

Magʻlubiyatdan qochish esa faqat oʻyinning soʻngida raqibning avtogoli evaziga amalga oshdi. Opta statistik maʼlumotlariga koʻra, qizillar 2021-yil mart oyidan beri ilk bor oʻz uyida ketma-ket uchta oʻyinda gʻalaba qozona olmagan.

Ammo oʻsha davrdagi koʻrsatkichga yetish uchun hali ancha bor (olti oʻyin gʻalabasiz). 6-dekabr, shanba kuni Liverpul safarda Lids jamoasiga qarshi oʻynaydi.

Uch kundan keyin esa Chempionlar Ligasi doirasida Milanning Inter jamoasiga qarshi San-Siro stadionida bellashadi. Navbatdagi oʻyin Enfildda 13-dekabr kuni oʻtkaziladi, unda raqib Brayton boʻladi.