Karager Ferdinandning soʻzlarini kulguga oldi

Liverpul sobiq futbolchisi Jeymi Karager, Manchester Yunayted sobiq himoyachisi Riyo Ferdinandning 2026-yilgi Jahon chempionati oʻyinlariga chiptalar narxlari haqidagi soʻzlariga munosabat bildirdi. Ferdinandga futbol oʻyinlari ommaga yanada arzon boʻlishi kerakmi, degan savol berilgan.

Ferdinand javobida: "Men oddiy xalqdanman, biz har doim narsa va xizmatlarning hamyonbop boʻlishini xohlaganmiz. FIFA bu borada nimadir qilishga harakat qilayotganini bilaman, ammo bu ish amalga oshadimi, buni hali koʻramiz", dedi BBCga bergan intervyusida.

Karager esa Ferdinandning ushbu soʻzlari haqida ijtimoiy tarmoqlarda oʻz munosabatini bildirdi va javob sifatida kulayotgan smayliklarni pul toʻldirilgan qopcha smayliklari ustiga joylashtirdi.