Vinisius Peresga ultimatum qoʻymadi

Mashhur insayder Fabritsio Romano Madridning "Real" futbolchisiga oid vaziyat haqida oʻz fikrlarini bildirdi. Matbuotda braziliyalik futbolchi va jamoaning bosh murabbiyi Xabi Alonso oʻrtasida nizolar borligi haqida mish-mishlar tarqalgan.

Aytishlaricha, 25 yoshli futbolchi klub prezidenti Florentino Peresga ispaniyalik murabbiyni isteʼfoga chiqarmasa, shartnomasini uzaytirmasligini bildirgan. "Menga maʼlum boʻlishicha, bunday voqea sodir boʻlmagan.

Vinisius faqat doimiy oʻyin amaliyotiga ega boʻlishni xohlashini va zahirada qolishni istamasligini tushuntirdi," — dedi Romano. Vinisius Juniorning "Real" bilan amaldagi shartnomasi 2027 yilning yozigacha moʻljallangan.