Fabregas: Himoyada oʻynagandan koʻra yirik magʻlubiyatni tanlayman

«Komо» bosh murabbiyi Sesk Fabregas shanba kuni «Inter»ga qarshi oʻyinda 0:4 hisobida magʻlub boʻlishlariga qaramay, natija uchun oʻta himoyaviy taktikalarni qoʻllash niyatida emasligini taʼkidladi. "Biz juda kuchli jamoaga qarshi oʻynadik.

Biz 6-3-1 yoki 5-4-1 kabi sxemalarni qoʻllab, faqat himoyalanishimiz mumkin edi... Lekin men bunday yirik va adolatli hisob bilan magʻlub boʻlganimni afzal koʻraman", - dedi Fabregas DAZNga bergan intervyusida.

Hozirda «Komо» Italiya chempionati turnir jadvalida oltinchi oʻrinni egallab turibdi. Sesk Fabregas jamoasi navbatdagi uchrashuvni dushanba, 15-dekabr kuni safarda «Roma»ga qarshi oʻtkazadi.