Rivaldo Braziliya va Shotlandiya o‘yini haqida fikr bildirdi

Braziliya terma jamoasining sobiq futbolchisi Rivaldo 2026-yilgi Jahon chempionati guruh bosqichida "selesao"ning Shotlandiya bilan bir guruhga tushganiga o‘z munosabatini bildirdi. "Shotlandiya – men yaxshi biladigan raqib.

Men ularga qarshi 1998-yilgi Jahon chempionatida o‘ynaganman. O‘yinning boshida Braziliya uchun biroz qiyin kechishi mumkin, ammo Shotlandiyaning Braziliya kabi futbol an’analari yo‘q.

Albatta, barcha raqiblarga hurmat bilan yondashishimiz kerak, lekin Braziliya – bu Braziliya. Biz o‘z o‘yin uslubimizni ko‘rsatib, g‘alaba qozonishimiz kerak.

Braziliyalik sifatida men guruh bosqichini osonlik bilan bosib o‘tishimizga ishonaman, ammo raqiblarga hurmat saqlanadi", – dedi Rivaldo One Football nashriga bergan intervyusida. Eslatib o‘tamiz, Rivaldo Braziliya terma jamoasi bilan 2002-yilda Jahon chempioni bo‘lgan.