Emre Jan uch turk klubi e'tiborida

Dortmundning "Borussiya" klubi yarim himoyachisi Emre Jan turk grand klublari orasida katta qiziqish uyg‘otmoqda. Sportbild jurnalistlarining xabariga ko‘ra, 31 yoshli nemis futbolchisiga Istanbulning "Fenerbahche", "Beshiktosh" va "Galatasaray" jamoalari qiziqish bildirmoqda.

Biroq futbolchining o‘zi kelajagini Dortmundda ko‘rayotganini ma'lum qilgan. "Arilar" rahbariyati Emre Janga bir yillik yangi shartnoma taklif qilishni rejalashtirmoqda.

Amaldagi shartnoma muddati kelasi yozda yakunlanadi. Joriy mavsumda Germaniya chempionatida Emre Jan ikki o‘yinda ishtirok etib, 11 metrlik zarbadan bir gol urishga muvaffaq bo‘lgan.