Ekspert «Atletiko»ni chempionlikka da'vogar deb bilmaydi

Futbol mutaxassisi Aleksandr Grigoryan Madridning «Atletiko» jamoasining joriy mavsumdagi o'yini haqida fikr bildirdi. La Liganing so'nggi turida «matraschilar» «Valensiya»ni 2:1 hisobida mag'lub etdi.

Grigoryan «Atletiko»ni chempionlik uchun asosiy da'vogar sifatida ko'rmasligini aytdi. U bosh murabbiy Diyego Simeoneni e'tirof etib, mutaxassis jamoa o'yinini yangilashga urinayotgani, eski uslub «Real» va «Barselona» bilan raqobat qilishga yetarli bo'lmasligini tushunayotganini ta'kidladi.

17 ta o'yindan so'ng «Atletiko» 34 ochko jamg'argan va Ispaniya chempionati turnir jadvalida 4-o'rinda bormoqda. Simeone shogirdlari peshqadam «Barselona»dan 9 ochkoga ortda qolmoqda.