Joau Kanselu samolyotda yo'lovchining telefonini tortib oldi

Portugaliyalik himoyachi Joau Kanselu, Yevropaning nufuzli klublarida to'p surganidan so'ng, hozir Saudiya Arabistonida faoliyatini davom ettirmoqda. Yaqinda u samolyotda yuz bergan yoqimsiz voqeaga aralashib qoldi.

Kanselu bilan bir reysda uchayotgan yo'lovchilardan biri futbolchining roziligisiz uni videoga ola boshlagan. Vaziyat shundaki, suratga olayotgan shaxs Kanseluning e'tiborini sezgach, uning nomiga haqoratomuz gap ham aytib yuborgan.

Shundan so'ng portugaliyalik futbolchi uning oldiga borib, telefonini olib qo'ygan. Hodisa esa boshqa bir yo'lovchi tomonidan tasvirga olinib, keyinchalik internetda tezda tarqaldi.