Tottenhem Barselona darvozaboni ter Shtegenni kuzatmoqda

Kataloniyaning Barselona klubi darvozaboni Mark-Andre ter Shtegen faoliyatini Angliyada davom ettirishi mumkin. Teamtalk xabariga ko'ra, londonlik Tottenhem nemis golkiperini o'z safiga qo'shib olish variantini ko'rib chiqmoqda.

Manbaga binoan, Barselona ter Shtegenni sotish ehtimolini ham istisno qilmayapti, biroq hozircha tomonlar o'rtasida aniq muzokaralar o'tkazilmagan. Ter Shtegen 2014 yil yozidan beri Barselona safida to'p surib keladi.

Uning klub bilan amaldagi shartnomasi 2028 yil iyun oyi oxirigacha mo'ljallangan. Futbolchining bozor qiymati 7 million yevroga baholanmoqda.