So‘rovda «Real» muxlislari Vinisiusni sotishni xohlamoqda

Madridning «Real» klubi muxlislari braziliyalik hujumchi Vinisius Juniorni sotish tarafdori. Bu haqda Marca gazetasi xabar bermoqda.

O‘tkazilgan so‘rov natijalariga ko‘ra, «qirollik» klubi ishqibozlarining 86 foizi janjalli forvardni endi jamoada ko‘rishni istamaydi. Braziliyalik futbolchining «Real» bilan amaldagi shartnomasi 2027 yil yozida yakunlanadi.

Hujumchining bozor bahosi 150 million yevroni tashkil etadi. Joriy mavsumning birinchi yarmida Vinisius madridlik grand safida 22 ta uchrashuvda maydonga tushdi.

U 5 ta gol urdi va 7 ta golli uzatma berdi.