«Fenerbahche» prezidenti giyohvand modda gumoni bilan ushlandi

Turkiyada mojaro yuz berdi: Istanbulning «Fenerbahche» klubi prezidenti Sadettin Saran politsiya tomonidan qo‘lga olindi. Sabab — uning soch namunalarida kokain izlari aniqlangani.

Shundan so‘ng Istanbul jandarmeriyasi uni ushladi. Ma’lumotlarga ko‘ra, 61 yoshli Saran nafaqat giyohvand modda iste’mol qilishi, balki uni sotishi ham mumkinligi haqidagi gumonlar avvalroq paydo bo‘lgan va shu bois tekshiruv o‘tkazilgan.

Bunga Istanbul jandarmeriyasi tarqatgan press-reliz ham bilvosita ishora qiladi. Saran «Fenerbahche» rahbariyatiga yaqinda — 2025 yil sentyabrida kelgan.

Hozir klub Turkiya chempionati turnir jadvalida ikkinchi o‘rinda bormoqda.