Koloskov Rossiya terma jamoasi darajasini baholashga shoshilmadi

Rossiya futbol ittifoqining sobiq bosh kotibi Vyacheslav Koloskov «Yevro-Futbol.Ru» nashriga bergan intervyusida Rossiya milliy terma jamoasining darajasi haqida fikr bildirdi. «Terma jamoa chetlatilgan va rasmiy turnirlarda qatnashmayotgan paytda uning darajasi haqida xulosa chiqarib bo‘lmaydi.

U turnirlarga qaytgach, shundagina uning haqiqiy darajasi va istiqbollari haqida gapirish mumkin bo‘ladi. Hozircha buni qilishning iloji yo‘q», — dedi Koloskov.

Milliy terma jamoa xalqaro turnirlardan noma’lum muddatga chetlatilgan, bu holat klublarga ham taalluqli. Rossiyalik futbolchilar 2022 yil fevralidan beri musobaqalarda ishtirok etmayapti.