Ronaldu dublidan keyin ijtimoiy tarmoqlarda fikr bildirdi

Saudiya Arabistoni chempionatida navbatdagi g‘alabadan so‘ng «Al-Nasr» hujumchisi Krishtianu Ronaldu ijtimoiy tarmoqlarda post qoldirib, jamoasining natijasiga munosabat bildirdi. Bu haqda euro-football.ru xabar beradi.

Ar-Riyod klubi milliy liga 11-turida «Al-Ahdud»ni 3:0 hisobida ishonchli mag‘lub etdi. Uchrashuvda Ronaldu dubl qayd etib, g‘alabaga katta hissa qo‘shdi. Portugaliyalik yulduz postida natija ortida har kungi mehnat va to‘liq fidoyilik turganini ta’kidladi.

«Tinimsiz mehnat — muvaffaqiyatga eltadigan yo‘l», — deb yozdi hujumchi.

Shuningdek, ushbu ikki gol Ronalduga professional faoliyatidagi jami gollari sonini 956 taga yetkazish imkonini berdi.