Ronaldu Globe Soccer Awardsdagi sovrindan so‘ng gapirdi

Krishtianu Ronaldu yakshanba oqshomida Globe Soccer Awards marosimida navbatdagi sovrinni qo‘lga kiritdi. U ketma-ket uchinchi bor «Yaqin Sharqning eng yaxshi futbolchisi» nominatsiyasida g‘olib bo‘ldi. Bu haqda euro-football.ru xabar beradi.

Mukofot topshirilgach, Ronaldu yig‘ilganlarga minnatdorlik bildirdi. «Globe Soccer Awards’ga rahmat. Bu yerda futbolchilar, klub prezidentlari va agentlarni ko‘rish men uchun katta mamnuniyat. Rahmat! Gala-kecha men yoqtiradigan tadbirlardan biri, chunki bu yerda juda ko‘p ajoyib insonlarni uchrataman. Ayniqsa doim qo‘llab-quvvatlaydigan rafiqamni», — dedi u.

40 yoshli hujumchi klub darajasida «Al-Nasr» sharafini himoya qiladi. Ronaldu Saudiya Arabistoni jamoasida 2023 yildan beri to‘p surmoqda.