Verder ukrainalik himoyachini tarkibiga qo'shishni istaydi

Donetskning «Shaxtyor» klubi va Ukraina milliy jamoasi himoyachisi Yefim Konoplya Germaniya chempionatida faoliyatini davom ettirishi mumkin. Bu haqda euro-football.ru xabar beradi.

Sport.ua xabariga ko'ra, 26 yoshli futbolchiga Bremenning «Verder» klubi qiziqish bildirmoqda. Nemis klubi rahbariyati uni yanvar oyidagi transferlar oynasida olib kelishni rejalashtirmoqda.

Konoplyaning transfer qiymati 5 million yevroga baholanmoqda. Himoyachining «Shaxtyor» bilan amaldagi shartnomasi esa kelasi yil yozida yakuniga yetadi.

2025/2026 yilgi mavsumning birinchi yarmida u 19 ta uchrashuvda maydonga tushib, 2 ta gol va 4 ta assist qayd etdi.