Chelsi bosh murabbiyligiga asosiy nomzod nomi aytildi

2026 yilning ilk kunida «Chelsi» bosh murabbiy almashayotganini rasman e’lon qildi: londonliklar Enso Mareska jamoani tark etganini ma’lum qildi. Bu haqda euro-football.ru xabar beradi.

The Independent xabariga ko‘ra, Mareskaning eng asosiy vorisi sifatida 41 yoshli mutaxassis Liam Rozenor ko‘rilmoqda. U hozirda Fransiyada «Strasburg» klubini boshqarmoqda.

Ayni paytda «Chelsi» Angliya Premer-ligasi turnir jadvalida 5-o‘rinda bormoqda. Jamoaning navbatdagi ligadagi uchrashuvi 4 yanvar kuni safarda «Manchester Siti»ga qarshi o‘tadi, o‘yin 22:30 da (Toshkent vaqti bilan) boshlanadi.

2025 yil yakunidagi so‘nggi bahsda «Chelsi» «Bornmut» bilan 2:2 hisobida durang o‘ynagan edi.