Kapello Allegri Milan futbolchilarini tartibga solishiga ishonadi
“Milan”ning sobiq bosh murabbiyi Fabio Kapello jamoaning hozirgi ustozi Massimiliano Allegri A Seriyada autsayder va o‘rtamiyona raqiblarga qarshi o‘yinlarda ko‘p uchrayotgan muhim muammoni bartaraf eta olishiga ishonmoqda. Gap, aynan shunday uchrashuvlarda konsentratsiya pasayib, jamoa muntazam ochko yo‘qotayotgani haqida bormoqda. Bu haqda euro-football.ru xabar beradi.
Kapelloning ta’kidlashicha, mavsumning birinchi qismida “Milan” o‘rtamiyona jamoalarga qarshi bahslarda ayrim vaziyatlarda e’tibor yetishmasligi sabab qiyinchiliklarga duch kelgan. U Allegri bu nuqsonni to‘g‘rilab, jamoa o‘yinini tizimlashtirishini kutmoqda, deb yozadi pianetamilan.it.
Ayni paytda “Milan” Italiya chempionati turnir jadvalida ikkinchi o‘rinni egallab turibdi.
