Mbappe Atletikoga qarshi derbida maydonga tushmaydi

Madridning “Real” klubi hujumchisi Kilian Mbappe Ispaniya Superkubogi yarim finalida “Atletiko”ga qarshi o‘yinini o‘tkazib yuboradi. Bu haqda euro-football.ru xabar beradi.

Avvalroq mahalliy OAV fransuz futbolchisi jarohatdan tiklanib, 8-yanvar kungi derbida maydonga tushishi mumkinligini yozgandi. Biroq jurnalist Migel Anxel Diasning yangilangan ma’lumotlariga ko‘ra, 27 yoshli forvard “matraschilar”ga qarshi bahsda aniq o‘ynamaydi. Hatto u Superkubok uchrashuvlari bo‘lib o‘tadigan Saudiya Arabistoniga jamoa bilan birga parvoz qilmasligi ham ehtimoldan xoli emas.

“Real” – “Atletiko” uchrashuvi 00:00 da (Toshkent vaqti bilan) start oladi. Mbappe joriy mavsumda 24 ta o‘yinda 29 ta gol urib, ajoyib natija qayd etib kelmoqda.