Inter yarim himoyachisi Turkiya klubiga o‘tishga rozilik berdi
Davide Frattezi faoliyatini Turkiyada davom ettirish masalasida prinsipial rozilik bildirdi. «Inter» yarim himoyachisi «Galatasaray» taklifini qabul qilishga tayyor va qishki transfer oynasidayoq jamoasini almashtirishga qarshi emas. Bu haqda euro-football.ru xabar beradi.
Sky Sport Italia xabariga ko‘ra, Istanbul klubi kelishuvni 5 million yevrolik ijara ko‘rinishida rasmiylashtirish, keyin esa futbolchini 30 million yevroga majburiy sotib olish sharti bilan yakunlashni rejalashtirmoqda. O‘yinchining roziligidan so‘ng turklar «Inter» rahbariyatiga rasmiy taklif yuborishga hozirlik ko‘rmoqda.
Shu bilan birga, Frattezining ehtimoliy ketishi milanliklarning transfer rejasiga katta ta’sir qilmaydi. «Inter»da tarkib hozirning o‘zida muvozanatli, deb hisoblanmoqda va futbolchi o‘rniga zudlik bilan xarid qilish ko‘zda tutilmagan.
