Gari O'Nil Strasburg bosh murabbiyligiga rozi bo'ldi

Avvalroq «Bornmut» va «Vulverhempton»da ishlagan ingliz mutaxassisi Gari O'Nil faoliyatini fransuz chempionatida davom ettirishga yaqin. Bu haqda euro-football.ru xabar beradi.

BBC Sport jurnalistlari xabariga ko'ra, 42 yoshli murabbiy «Strasburg»ni boshqarishga rozilik berdi. U jamoani Londonning «Chelsi» klubiga ishga o'tgan Liam Rosenyordan qabul qilib oladi.

Fransiya Ligue 1'ning 17-turidan so'ng «Strasburg» 24 ochko jamg'argan va turnir jadvalida 7-o'rinda bormoqda. Jamoa chempionatdagi navbatdagi uchrashuvini o'z maydonida «Mets»ga qarshi o'tkazadi. O'yin yakshanba, 18-yanvar kuni bo'lib o'tadi.