Xabi Alonso Realning Atletikoga qarshi derbisini tahlil qildi

Madridning «Real» klubi Ispaniya Superkubogi yarim finalida «Atletiko»ni 2:1 hisobida magʻlub etdi. Bu haqda euro-football.ru xabar beradi.

Uchrashuvning 2-daqiqasidayoq Federiko Valverde «qaymoqranglilar»ni oldinga olib chiqdi. 55-daqiqada esa Rodrigo hisobni 2:0 ga yetkazdi. «Atletiko» 58-daqiqada Aleksandr Sorlothning goli bilan javob qaytardi.

Matbuot anjumanida Xabi Alonso derbi nihoyatda ogʻir kechganini taʼkidladi: «Juda murakkab o‘yin bo‘ldi. Dastlabki daqiqalardagi Fede goli bizga katta yordam berdi. Ko‘p himoyalanishga to‘g‘ri keldi. Yigitlar “Atletiko”ga qarshi qanday o‘ynashni bilishini va kurashishga tayyorligini ko‘rsatdi. O‘yin davomida, hatto 2:0 va 2:1 hisobida ham, doimiy tuzatishlar kiritishga majbur bo‘ldik — sovrinlar aynan shunday yondashuv bilan yutib olinadi», — dedi u.

Superkubok finalida «Real» «Barselona»ga qarshi maydonga tushadi. «El klasiko» 11 yanvar kuni bo‘lib o‘tadi.