Moldovaning U19 sardori Torino yoshlar jamoasiga o‘tdi

Italiyalik taniqli transfer insayderi Nikolo Skira xabar berishicha, Moldova U19 terma jamoasi sardori Daniyel Tonike «Torino» safiga qo‘shildi. Bu haqda euro-football.ru xabar beradi.

Hozircha futbolchi klubning ikkinchi jamoasi — «Primavera» tarkibida harakat qiladi. Tonike bungacha ham Italiyada to‘p surgan: u «Lenyago» klubida, mamlakatning kuch jihatidan to‘rtinchi ligasida o‘ynagan.

E’tiborlisi, «Torino»ning «Primavera»sida yana bir moldovalik futbolchi Sergey Perchun ham faoliyat olib bormoqda. Ayni paytda «Torino»ning asosiy jamoasi A Seriyada 11-o‘rinda bormoqda.